ԳենաԳիր — Հայկական ոչ նյութական մշակութային ժառանգության թվային հարթակ
Միասնական, բաց և վստահելի միջավայր՝ հայկական մշակութային ժառանգությունը պահպանելու, քարտեզագրելու և ներկայացնելու համար։
Մեր մասին
Գենագիր-ը բաց, հանրային հարթակ է, որը նպատակ ունի հավաքագրել, թվայնացնել և համակարգված ձևով ներկայացնել հայկական ոչ նյութական մշակութային արժեքները։
Մենք ներկայացնում ենք ավանդույթներ, արհեստներ, ծեսեր, խորհրդանշաններ, պատմություններ, երգարվեստ և այլ ժառանգական արտահայտություններ՝ 10 թեմատիկ բաժիններով։
Հարթակը միավորում է՝
- ստուգված և հավաստի տեղեկություններ
- իրական լուսանկարներ և չափագրումներ
- քարտեզագրում ու դասակարգում
- գիտական հղումներ ու աղբյուրներ
- համայնքներից, կամավորներից ու մասնագետներից ստացված նյութեր
Գենագիրը ստեղծվում է, որպեսզի հայկական ժառանգությունը լինի հասանելի բոլորին՝ Հայաստանում և աշխարհում։
Մեր առաքելությունը
Պահպանել հայկական ոչ նյութական ժառանգությունը և ծանոթացնել այն հանրությանը՝ ժամանակակից, ապահով և մատչելի թվային միջավայրում։
Ինչ ենք մենք առաջարկում
- Թվայնացված ժառանգական նմուշներ (հավելվում են շարունակաբար)
- Վստահելի ու գիտականորեն ստուգված բովանդակություն
- Քարտեզագրում և թեմատիկ դասակարգում
- Բաց ու անվճար հասանելիություն բոլոր այցելուների համար
- Բարձրորակ վեկտորային նմուշների ներբեռնում (վճարովի) ստեղծագործական ոլորտների համար
- Համայնքային ներգրավվածություն և սփյուռքի մասնակցություն
Ում համար է
- Ուսանողներ և դպրոցականներ
- Հայկական մշակույթ ուսումնասիրողներ
- Արտադրողներ, դիզայներներ և ստեղծագործական թիմեր
- Սփյուռքի համայնքներ
- Մշակութային հաստատություններ, թանգարաններ
- Հայկական ժառանգությամբ հետաքրքրված յուրաքանչյուր ոք
Այսօր
Գենագիր հարթակը գտնվում է ստեղծման փուլում՝ ՀՀ Բարձր տեխնոլոգիական արդյունաբերության նախարարության աջակցությամբ և Հայաստանի մարզերի ու ԿԳՄՍ հաստատությունների ներգրավվածությամբ։
Լայն տիրույթով գործող հարթակի բացումը նախատեսվում է 2026 թվականին։
Միացեք մեզ
Հրավիրում ենք կամավորների, հետազոտողների և համայնքային խմբերի՝ օգնել մեզ հավաքագրել ու ներկայացնել հայկական մշակութային հետքերը ողջ աշխարհում։