Գենագիր. Հայկական մշակութային կոդի թվային հարատևություն «Գենագիրը» հայկական մշակութային ժառանգության թվային շտեմարան է, որը կամուրջ է հանդիսանում հազարամյա ակունքների և ժամանակակից ստեղծագործական մտքի միջև։ Մենք հավաքագրում և թվայնացնում ենք հայկական զարդանախշեր, ժայռապատկերներ, կառույցներ, կրոնական շինություններ ու իրեր, դրամներ, պատվո ցուցատախտակներ, արձաններ, պատմական ճարտարապետական շենքեր, տապանաքարեր ու տառատեսակներ՝ դրանց նոր կյանք տալով ժամանակակից դիզայնում և արտադրությունում։

Նախագծի իրավաբանական կարգավիճակը

«ԳենաԳիր» հայկական մշակութային ժառանգության թվային հարթակը իրականացվում և կառավարվում է Հայաստանի Հանրապետությունում գրանցված «Արևատուն» գյուղի վերածննդի և զարգացման հասարակական կազմակերպության կողմից։

Կազմակերպությունը հանդիսանում է հարթակի գործունեության, կայքի միջոցով մատուցվող ծառայությունների, բաժանորդագրությունների, մշակութային և կրթական ծրագրերի, ինչպես նաև դրանց շրջանակում իրականացվող վճարումների և նվիրատվությունների կազմակերպիչը։

Ինչո՞ւ ընտրել Գենագիրը.

• Ստուգված աղբյուրներ. Յուրաքանչյուր նմուշ տրամադրված է թանգարանների, ՊՈԱԿ-ների, ճանաչված արվեստագետների ու ուսումնասիրողների կողմից։ Դուք ստանում եք ոչ միայն գեղեցիկ նախշ, այլև դրա պատմական հիմնավորումը։ 
• Օրինական կիրառում. Յուրաքանչյուր նմուշի հետ ստանում եք կոմերցիոն կիրառման թույլտվություն կամ հեղինակի հետ կապ հաստատելու հնարավորություն։ 
• Ստեղծագործական ազատություն. Ծանոթացեք տարբեր ուղղությունների, ոգեշնչվեք ևստեղծեք որակյալ ու հիմնավորված նյութերով։ «Գենագիրը» նաև կրթական, ճանաչողական և ժամանցային հարթակ է։ Մենք քայլում ենք առաջ՝ հանրահռչակելու հայ ստեղծարար միտքը՝ հավատալով, որ ազգայինը պետք է լինի կենդանի, կիրառելի և մրցունակ։