առաջ
հետո
«Արմենիա» արծաթյա հուշադրամ
© Հեղինակային իրավունքի համար կապվել հեղինակի հետ
Նկարագրություն
Նկարագրություն
Այս դրամը պատկանում է «Աշխարհի առագաստանավերը» միջազգային համատեղ ծրագրին, որի շրջանակում թողարկվել են հայկական պատմական նավերին նվիրված մի քանի ուղղանկյուն հուշադրամներ։
Դիմերես: Ձախ հատվածում պատկերված է Հայաստանի Հանրապետության զինանշանը։ Աջ մասում՝ ալեկոծվող ծովի ֆոնին, պատկերված է առագաստանավ։ Ծովի և երկնքի հատվածում կիրառված է հատուկ հոլոգրաֆիկ ներկապատում, որը լույսի տակ փոխում է գույները՝ ստեղծելով ջրի շարժման էֆեկտ։ Վերևում գրված է «REPUBLIC OF ARMENIA < ՀԱՅԱՍՏԱՆԻ», իսկ աջ եզրով ուղղահայաց ձգվում է «ՀԱՆՐԱՊԵՏՈՒԹՅՈՒՆ» բառը։ Նշված են նաև թողարկման տարեթիվը՝ «2006» և անվանական արժեքը՝ «100 DRAM ԴՐԱՄ»։
Դարձերես: Դրամի մյուս կողմում պատկերված է հենց «Արմենիա» առագաստանավը՝ ամբողջական տեսքով, և գրված է նավի անունը հայերեն ու անգլերեն («ԱՐՄԵՆԻԱ» / «ARMENIA»)։
Պատմական ակնարկ
Այս հուշադրամը նվիրված է 18-րդ դարի հայկական առագաստանավերից մեկին։ 1700-ական թվականներին հայ վաճառականները (հատկապես Նոր Ջուղայի հայերը) Հնդկական օվկիանոսում և հարակից ծովերում սեփական խոշոր առագաստանավերով իրականացնում էին միջազգային առևտուր։ Այդ նավերը կրում էին հայկական անուններ և հաճախ նավարկում էին սեփական դրոշներով։ «Արմենիա» նավը հանդիսանում է այդ հարուստ ծովագնացային պատմության խորհրդանիշներից մեկը։
