առաջ
հետո
«Բագրատունյաց թագավորական հարստություն» ոսկե հուշադրամ
© Հեղինակային իրավունքի համար կապվել հեղինակի հետ
Նկարագրություն
«Բագրատունյաց թագավորական հարստության հիմնադրում» հուշադրամ։ Այս բարձրարժեք ոսկե հուշադրամը թողարկվել է 1995 թվականին և նվիրված է Բագրատունյաց թագավորական հարստության հիմնադրման պատմական իրադարձությանը։ Գեղարվեստական նկարագրություն։ Դիմերես՝ Մետաղադրամի կենտրոնական մասում պատկերված է Բագրատունյաց հարստության խորհրդանիշ հանդիսացող քայլող առյուծը, որի մեջքին տեղադրված է խաչափայտ, իսկ ներքևի աջ մասում պատկերված են կիսաշրջանաձև դասավորված աստղեր։ Շրջագծով առկա է «ՊԵՏՈՒԹԻՒՆ ԲԱԳՐԱՏՈՒՆԵԱՑ ՀԱՅՈՑ» մակագրությունը՝ սկզբնամասում և վերջնամասում տեղադրված աստղանիշերով։ Դարձերես՝ Կենտրոնում պատկերված է Հայաստանի Հանրապետության պետական զինանշանը, որի ներքևի մասում նշված է թողարկման տարեթիվը՝ «1995»։ Շրջագծով վերևում առկա է «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» մակագրությունը, իսկ ներքևի մասում նշված է անվանական արժեքը՝ «5000 ԴՐԱՄ» (բառերով և թվերով)։
