առաջ
հետո
«Կիլիկյան հայկական պետության 800-ամյակ» ոսկե հուշադրամ
© Հեղինակային իրավունքի համար կապվել հեղինակի հետ
Նկարագրություն
«Կիլիկյան հայկական պետության հիմնադրման 800-ամյակ» հուշադրամ։ Այս բարձրարժեք ոսկե հուշադրամը թողարկվել է 1998 թվականին՝ նշանավորելու Կիլիկյան հայկական պետության հիմնադրման 800-ամյա պատմական հոբելյանը։ Գեղարվեստական նկարագրություն։ Դիմերես՝ Կենտրոնում պատկերված է Կիլիկիայի Լևոն Բ Մեծագործ թագավորի արծաթե դրամի վրայի առյուծը, որը ձեռքում պահում է խաչափայտ, իսկ գլխին ունի թագ։ Պատկերը շրջապատված է խաղողի տերևներով հյուսված պսակով և ներքևի մասում՝ հավերժության նշանով։ Շրջագծով առկա է «ԹԱԳԱՎՈՐՈՒԹԻՒՆ ԿԻԼԻԿԵԱՆ ՀԱՅԱՍՏԱՆԻ» մակագրությունը՝ սկզբնամասում և վերջնամասում տեղադրված աստղանիշերով։ Դարձերես՝ Կենտրոնական մասում պատկերված է Հայաստանի Հանրապետության զինանշանը, որի երկու կողմերում առկա են զարդանախշեր, իսկ ներքևում նշված է թողարկման տարեթիվը՝ «1998»։ Շրջագծով վերևի մասում առկա է «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» մակագրությունը, իսկ ներքևի մասում նշված է անվանական արժեքը՝ «5000 ԴՐԱՄ» (բառերով և թվերով)։
