առաջ
հետո
«Սումգայիթի և Բաքվի զոհերի հիշատակին» արծաթե հուշադրամ
© Հեղինակային իրավունքի համար կապվել հեղինակի հետ
Նկարագրություն
«Սումգայիթի և Բաքվի զոհերի հիշատակին» հուշադրամ։ Այս արծաթե հուշադրամը թողարկվել է 1993 թվականին և նվիրված է Ադրբեջանում սումգայիթյան և բաքվյան ողբերգական իրադարձությունների ընթացքում զոհված անմեղ հայերի հիշատակին։ Գեղարվեստական նկարագրություն Դիմերես՝ Կենտրոնում պատկերված է հայկական խաչքար, որի շուրջը վեր են խոյանում եկեղեցական գմբեթներ՝ խաչերով և ղողանջող զանգերով։ Խաչքարի ներքևի մասում՝ ուղղանկյունաձև շրջանակի մեջ, գրված է «ՏԱՐԵԼԻՑ 1988 1989», իսկ շրջագծով աղեղնաձև մեծատառերով մակագրված է «ԶՈՀԵՐԻ ՀԻՇԱՏԱԿԸ ԹՈՂ ՕՐՀՆՅԱԼ ԼԻՆԻ»։ Դարձերես՝ Կենտրոնում պատկերված է Հայաստանի Հանրապետության պետական զինանշանը, նրանից ներքև նշված է անվանական արժեքը՝ «25 ԴՐԱՄ», իսկ շրջագծով վերևում աղեղնաձև գրված է «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ»։
